Zëvendësimi i mandatit të Mark Frrokut ka investuar Komisionin Qendror të Zgjedhjeve për të shqyrtuar mundësinë e përfitimit të mandatit nga i vëllai, Arben Frroku. Po ky hetim ka zbuluar një tjetër dënim për Arben Frrokun.
Për të verifikuar plotësimin e kushteve të parashikuara nga Kushtetuta e Republikës së Shqipërisë, KQZ me shkresën nr. 7999, datë 04.12.2015, i kërkoi Ministrisë së Drejtësisë informacion nëse kandidatët për deputet në listën shumemërore të Partisë Kristian Demokrate të Shqipërisë, qarku Shkodër me numër rendor 2 (dy), 3 (tre), dhe 4 (katër) plotësojnë kushtin e përcaktuar në nenin 45, pika 3 të Kushtetutës së Republikës së Shqipërisë për tu zgjedhur deputet në Kuvend.
Referuar shkresave kandidati për deputet në listën shumemërore të Partisë Kristian Demokrate të Shqipërisë, qarku Shkodër me numër rendor 2 (dy), z. Arben Preng Froku rezulton i dënuar si më poshtë:
Dënimi 1
Në bazë të vendimit nr.10 datë 27.02.1991, Gjykata e Lezhës ka deklaruar fajtor për veprën penale të përvetësimit të pasuris socialiste në bashkëpunim në shumën 900 lekë në bazë të nenit 63, 31/ B,31/2 të Kodi Penal Dënohet me 6 muaj riedukim nëpërmjet punës me ndalimin e 1/5 e Pagës.
Dënim 2
Gjykata e Apelit për Krimet e Rënda Tiranë, me vendimin nr.73, datë 29.06.2015, ka vendosur:
-Ndryshimin e vendimit nr.52, datë 03.04.2015, të Gjykatës së Shkallës së Parë për Krimet e Rënda Tiranë, si më poshtë:
Deklarimin fajtor të të pandeurit Arben Preng Frroku për veprat penale:
-Vrasje në Rrethana të tjera cilësuese parashikuar nga neni 79/c i Kodit Penal (Ligji i Kohës në momentin e kryerjes së veprës penale) dënim me burgim të përjeshëm,
-Prodhim dhe mbajtje pa leje të armëve luftarake dhe municionit parashikuar nga neni 278/2 Kodi Penal (Ligji i Kohës në momentin e kryerjes së veprës penale), dënimin e tij me 5 vjet Burgim,
-Në zbatim të nenit 55 të Kodit Penal dënohet përfundimisht me burgim të përjetshëm.
Kandidatët për deputet në listën shumemërore të Partisë Kristian Demokrate të Shqipërisë, qarku Shkodër me numër rendor 3 (tre) dhe 4 (katër) përkatësisht Zj Mirela Riza Ferracaku dhe Ndok Gjelosh Kola rezultojnë të padënuar.
Nga verfikimi i dokumentacionit të sipërcituar, kandidati i radhës në listën shumemërore të Partisë Kristian Demokrate të Shqipërisë, qarku Shkodër me numër rendor 2 (dy) z. Arben Preng Froku nuk plotëson kushtin e parashikuar nga neni 45, pika 3 të Kushtetutës së Republikës së Shqipërisë, për tu zgjedhur deputet në Kuvendin e Shqipërisë.
Për sa më sipër, mandat i ndërprerë i përket kandidates së radhës, pas z. Arben Froku, e renditur me numër rendor 3 (tre) në listën shumemërore të Partisë Kristian Demokrate e Shqipërisë në Zonën Zgjedhore Qarku Shkodër, znj. Mirela Riza Ferracaku. Shqiptarja.com