Policia e Fierit ka vendosur sekuestro prej 1.5 milionë euro pasuri të luajtshme dhe të paluajtshme, në pronësi të një 49 vjeçareje, banuese në Fier.
Sipas policisë, pasuritë e sekuestruara janë në qytetin e Vlorës dhe në Pogradec.
Ndërkohë shumat e konfiskuara dyshohet se janë produkt i veprës penale “Trafikimi i narkotikëve”, për të cilën ish-bashkëshorti i saj, shtetasi Shaban Zenaj, i ekstraduar në Itali, është dënuar nga autoritetet italiane me 14 vjet burg.
Ai është hetuar për pastrim të veprimtarisë kriminale dhe për rrjedhojë janë sekuestruar pasuritë që ka lënë në emër të Rudina Zenajt.
Gjithsesi, në njoftimin e policisë thuhet se hetimi vijon, për të sekuestruar edhe prona të tjera të blera nga veprimtaria e Zenajt, por që mund t’i ketë lënë në emër të një tjetër personi.
Më 23 qershor, OFL i kishte nisur formularin për vetëdeklarimin e pasurisë. Zenaj u arrestuar në 2015 në Vlorë, ndërsa ka qenë i dënuar me 14 vite burg nga gjykata e Milanos.
Janë sekuestruar pasuritë si më poshtë
Një bar restorant në Skelë, Vlorë;
Një apartament në Vlorë;
Një apartament në Pogradec;
Një automjet tip “Benz”.
/a.r
