Ish-Kryeministri Sali Berisha, mori vëmendjen e mediave ditën e sotme për shkak të letrës së dërguar ambasadorit të OSBE-së Florian Rauning, se akuzat për të birin e tij në raportin e OSBE janë bërë nga një njeri që është dënuar për vrasjen e Azem Hajdarit dhe nuk duhen marrë seriozisht. Madje Berisha në letrën e tij e cilësonte raportin një kolektor të ujërave të zeza, për shkak se në raport figurojnë akuzat ndaj Shkëlzenit, të publikuara në media.
Në këtë letër, Berisha i referohej ish-truprojës së tij Izet Haxhia, për akuzat që ky i fundit ka bërë në media ndaj Shkëlzenit. Por cilat janë akuzat që Haxhia ka bërë ndaj Shkëlzen Berishës? Rreth 1 muaj më parër ish-truproja në një intervistë për gazetën “Dita” akuzonte Shkëlzenin se që në vitin 1997, ku ai ishte 17 vjeç, ka marrë nga një trafikant droge rreth 30 milionë lireta që i duheshin për një ndërtesën e dajës së tij, që po ndërtonte te Blloku.
Madje sipas Haxhisë, i biri i ish-liderit të PD-së edhe në disa raste ka transportuar heroinë me makinën e familjes.
“…Raportet kanë qenë korrekte. Fëmijët kanë qenë të vegjël, vajza ka qenë pak më e rritur. Unë shkoja e merrja në shtëpi edhe gjatë kohës kur nuk ishte President. Kemi shëtitur gjithë Shqipërinë bashkë. Shkëlzeni në atë kohë ka qenë i vogël, por që atëherë ka pasur ato prirjet për luksin, i kishte qejf lekët.
Tregoj vetëm një rast që vitin 1997, në muajin Janar e kujtoj edhe datën, në 28 janar, te stadiumi Qemal Stafa ka marrë nga një trafikant droge rreth 30 milionë lireta. I ka thënë që më duhen për një ndërtesën e dajës së tij, që po ndërtonte te Blloku.
Atë e njihja, e kisha edhe mik edhe pse nuk e dija në atë kohë që merrej me trafik droge. Emri nuk ka shumë rëndësi sot, po të doni edhe e them. Dua të them se që në atë kohë Shkëlzeni ka pasur qejf lekun. Edhe disa herë ka transportuar nëpërmjet makinës që përdonte familja, edhe heroinë. Dhe aty ka marr shuma parash…” shprehej Izet Haxhia për gazetën “Dita”
