Eduardo Iturralde Gonzalez, ish-arbitr i FIFA-s, i konsideruar arbitri më i mirë spanjoll i vitit 2002 në Spanjë, por tashmë i tërhequr, është analist i arbitreve për të përditshmen madrilene sportive, “AS”, burim shumë i afërt i klubit të Realit.
Ai e ka komentuar me tone negative vendimin e marrë nga anglezi Michael Olivier, për të akorduar penallti në minutën e 93-të, në favor të Kristiano Ronaldos me shokë.“Ndërhyrja e Benatias ndaj Lukas Vasquezit nuk është kurrsesi penallti.
Fakti që lojtari i Realit të Madridit nuk është në kontakt me topin, por e paraprin pozicionalisht mbrojtësin juventin, kjo nuk i mohon këtij të fundit që të bëjë një ndërhyrje akrobatike.
Edhe pse në shpejtësi reale mund të duket e ashpër, futbolli është një sport kontakti dhe Benatia prek topin, më pas për inertësi merr përpara Lukasin. E përsëris, ndërhyrja e Benatias ndaj Vazkez nuk është penallti”, përgatiti Express. (b.an)
