Lufta mes bandave të drogës ka shkaktuar vrasjen e një tjetër shqiptari në Ekuador, bashkë me të shoqen.
Viktima është Fadil Kaçaniç bashkë me të shoqen Fatime.
Kjo është vrasja e tretë e shqiptarëve në Ekuador brenda një kohe të shkurtër, një vend ky ku mafia shqiptare ka krijuar një bazë të fortë.
64-vjeçari, sipas Tesheshi.com, ka qenë agjent sekret i UDB-së jugosllave, por pas pensionimit është lidhur me grupe shqiptarësh nga Kosova që i kanë kërkuar të blente kokainë nga kolumbianët.
Kaçaniç mësohet se ka vite që është njeriu i cili porosit drogën që menaxhojnë shqiptarët në Europë.
Vrasja e tij është një shenjë shumë e rëndë, pasi për të nuk ka pasur asnjë problem për mbi 15 vjet, ngaqë ka qenë një profesionist në diplomaci dhe marrëveshjet me palët.
Kaçaniç(Kaçaniku) dhe bashkëshortja e tij 63-vjeçare, Fatime,u gjetën të vrarë në rrugë por mësohet se janë ekzekutuar më parë në banesë.
Ata u gjetën të vdekur në një zonë të banuar pranë qytetit të Guajakilit, në perëndim të vendit.
Kaçaniç u qëlluar për vdekje me tre plumba, ndërsa bashkëshortja ishte goditur me sende të forta.
Trupat e tyre u gjetën pranë një autostrade jo shumë larg vendit ku banonin dhe hetuesit thanë se bëhet fjalë për disa pjesëmarrës në krim, të cilët hynë në shtëpinë e tyre të veshur si policë.
Pasi i vranë, ata u kishin marrë edhe një shumë të madhe parash, që Kaçaniç mësohet se i kishte përfituar nga trafiku i drogës.
Shqiptari i Malit të Zi mësohet se ishte një njeri kyç dhe më i besuari i kartelit që furnizonte bashkëatdhetarët e tij me kokainë./a.m.
