Dy yjet e “Los Blancos”, Isco dhe Marcelo janë gati për t’u kthyer në fushën e gjelbër.
Real Madridi po kalon në një krizë të lojës dhe rezultateve dhe këtë më së miri e tregon efikasiteti i dobët i skuadrës, që nuk ka realizuar asnjë gol në katër ndeshjet e fundit.
Pushimi i kombëtareve mund të ketë ardhur në momentin më të mirë për Realin, i cili pret të kthehen edhe disa nga lojtarët e lënduar.Isco i cili është operuar në fund të muajit shtator dhe Marcelo që nuk luan që nga sfida me Sevillan, janë kthyer në stërvitje dhe pritet të vihen nën urdhrat e Julen Lopeteguit në sfidën e fundjavës kundër Levantes, transmeton kp.
Në mesjavë Reali do të ndeshet me Viktoria Plzen në Ligën e Kampionëve, para se të udhëtojë drejt Camp Nou për El Clasicon e parë të stinorit ndaj Barcelonës. (b.an)
