Pavarësisht irritimit të shoqërisë dhe disa prej zërave publikë, lirimi i Ardian Fullanit mund të shkojë dhe më tej duke u pasuar me një dëmshpërblim të mundshëm.
Bëhet fjalë për kompensimin e ditëve të burgut, të cilat që pas vendimit të gjykatës njihen si heqje lirie padrejtësisht e individit.
I arrestuar me datë 5 shtator të vitit 2014 dhe i liruar pak ditë më parë, Fullani mjafton që përmes një kërkese t’i drejtohet gjykatës dhe të marrë kompensimin që i takon.
Kështu, ligji ‘Për kompensim për burgim të padrejtë’ shprehet qartë se:
Personi, që është deklaruar i pafajshëm ose për të cilin është pushuar çështja me vendim gjykate të formës së prerë apo të prokurorit, ose është mbajtur në burg tej kohës së caktuar në vendimin e dënimit, gëzon të drejtën e kompensimit për burgimin e vuajtur.
Por sa dëmshpërblim i takon Ardian Fullanit? Nëse bëjmë një llogari, ligji i cili funksionon njësoj si edhe për arrestin shtëpiak, i jep atij një shumë rreth 12 milionë lekë të vjetra. Fullani ka bërë rreth 400 ditë burgim, që nëse e shumëzojmë me 3000 mijë lekë të reja / dita, i bie të marrë rreth 12 milionë lekë. JavaNews.al sjell më poshtë pjesë nga ligji Nr.9381,dhe më konkretisht nenet 5 dhe 6…
