Kryeministri Edi Rama pas mbarimit të takimit në Vlorë me drejtorët dhe asanmblenë e partisë në këtë qytet, tha për mediat se nuk i kishte dëgjuar deklaratat e Sali Berishës në lidhje me të.
Ish-kryeministri dje tha se Rama u tërhoq nga kandidimi në Durrës pasi kishte frikë se edhe Basha kandidonte atje. Rama tha se ish-kryeministri nuk duhet dëgjuar dhe duhet lënë në vetminë e tij, pasi uk ka çfarë t’i japë më shqiptarëve.
Në mbyllje, ai nuk nguroi t’i urojë Berishës shëndet të plotë dhe jetë të gjatë.
“Kam kohë që nuk e di se çfarë thotë Berisha dhe ju sugjeroj miqësisht ta konsideroni moshën që ka si një njeri që thjesht duhet lënë në vetminë e tij.
Pastë jetë të gjatë e shëndet, i gëzoftë nipat e mbesat. Shqipërisë dhe shqiptarëve nuk ka ça i jep më.
Insistimi i tij që populli të dëgjoj ato që thotë ai është një fatkeqësi e madhe”, deklaroi Rama!
