Një ngjarje e rëndë ka ndodhur në qytetin e Rrëshenit ku një vepër kriminale ka sjellë efektin zinxhir duke kthyer në objekt të proçedimit penal edhe të dëmtuarin.
Në rastin konkret kemi të bëjmë me një vajzë 20-vjeçare e cila u proçedua për tentativë vrasjeje, pasi goditi me thikë një person që tentoi ta përdhunonte.
Ngjarja e devotshme për skenaret hollivudian ka ndodhur në qytetin e Rrëshenit një ditë më parë.
Shtetasi Severjan Tusha, 24 vjeç, ka tentuar të kryejë marrëdhënie seksuale me dhunë me shtetasen Manjola Gjonaj, e cila e ka goditur disa herë me thikë në trup këtë shtetas duke i shkaktuar dëmtime serioze për jetën.
Teksa u godit disa herë me thikë, edhe Tusha u kundërpërgjigj duke e goditur vajzën me sende të forta në kokë.
Të dy personat përfunduan të plagosur, por ai që ëhstë në gjendje më të rëndë, në rrezik për jetën është 24-vjeçari Severjan Tusha, i cili ndodhet në spitalin e traumës në Tiranë në gjendje të rëndë për jetën.
Shtetësja Manjola Gjonaj, ndodhet në spitalin e Rreshenit, jashtë rrezikut për jetën.
Por, edhe pse u vetëmbrojt, e reja tashmë do të përballet me akuzën e “tentativës së vrasjes”./Javanews.al