Shorti i hedhur sot per panelin qe do te gjykoje ankimimin e Partise Agrare per listat e zgjedhesve te 18 qershorit, nxorri edhe nje here ne siperfaqe emrin e te shumeperfolurit Gjin Gjoni. Mister Cartier, siç e ka ai nofken per shkak te aksesoreve te shumte te kesaj marke te njohur luksi, ka qene edhe nje here i preferuari (bashke me kater gjyqtare te tjera te Apelit), per te shqyrtuar nje kerkese e cila mund te çoje ne nje vendim me impakt te larte, ne krizen politike qe mban te ngerthyera poziten dhe opoziten. Jo vetem kaq, ai do te jete edhe relatori i kesaj çeshtjeje.
Vendimi eventual i Kolegjit Zgjedhor per te shpallur te pavlefshme listat zgjedhore, mund te sjelle me vete anullimin e zgjedhjeve te 18 qershorit. Nje zhvillim dramatik per situaten politike, por edhe per te ardhmen ligjore e institucionale te vendit. Shkelja e afateve te mbajtjes se zgjedhjeve sjell me vete nje vakuum te paprecedent institucional, duke prodhuar kaos dhe amulli ne te gjithe sistemin politik dhe ne te gjitha katet e shtetit shqiptar. Dhe ironia e fatit e ka dashur qe kete barre kaq te rende ta mbaje mbi vete njeri nder njerezit me te lakuar ne vitet e fundit, si perfaqesues i kastes se vjeter te sistemit te drejtesise. Republika e re e Çadres po kerkon edhe nje here shpetim tek Gjin Gjoni!
