Uragani Irma ka goditur Floridën.
Deri këto momente raportohet se 1 milion amerikanë në Florida kanë mbetur pa energji elektrike. Ndërsa presidenti Donald Trump u ka bërë thirrje banorëve të largohen nga Florida shtet ku jetojnë edhe disa mijëra shqiptarë.
Në një lidhje telefonike për Report Tv ambasadorja shqiptare nga Wshingtoni Floreta Faber u bëri thirrje shqiptarëve që të ndjekin udhëzimet e autoriteteve lokale pasi nuk mund të luftohet me natyrën.
“Njerëzit duhet të evakuohen, njerëzit duhet të ndjekin udhëzimet e drejtuesve lokalë .Nuk mund të luftojmë me forcën e natyrës, është mirë që të ndjekin udhëzimet e autoriteteve lokale” tha për Report tv ambasadorja e cila shtoi se lëvizjet e uraganit janë të paparashikueshme
‘Uragani ka goditur Key West, dhe po afrohet pjesës jugore të Floridës.jemi duke ndjekur lëvizjet e paparashikueshme të uraganit.Nga parashikimet duket se uragani ka dalë në pjesën perëndimore. Pjesa më shqetësues është pjesa e brendshme në gjirin e Meksikës” u shpreh ambasadorja.
Diplomatja po ashtu shtoi se është në kontakt të vazhdueshëm me komunitetet shqiptare dhe se komunikimi bazë është ai përmes mesazheve.
“Nga kontaktet me organizatat shqiptare në Florida,kam marrë informacione. Kërkesa për shpërngulje është dhënë në zona ku ka shqiptarë, në Majemi ka më pak shqiptarë, zonat ku ka shqiptarë janë të sigurta.Parashikimet thonë se zona më e vështirë është ajo e Tampa.Kam patur komunikime të vazhdueshme me komunitetet, përmes mesazheve. Shumë shpejt do të kemi informacione më të sigurta.Në Tampa ka një numër më të madh shqiptaro-amerikan. Një pjesë të jugut në Florida iu kërkua të evakuohen” u shpreh ambasadorja./shqiptarja.com
a.ç
