Policia është vënë sërish sot në gjendje alarmi në Londonderry, në Irlandën e Veriut, pas sinjalizimit të vjedhjes së një furgoni dhe sulmit të një automjeti tjetër, duke ngjallur frikën e një tjetër sulmi, dy ditë pas shpërthimit të një autobombe.
‘’Londonderry është vënë në gatishmëri pas sinjalizimit të vjedhjes së një furgoni rreth orës 11:30 GMT nga tre burra të maskuar të cilët e kishin përmbysur mjetin përpara se ta braktisnin atë’’, thuhej në një postim në Twitter të policisë së provincës britanike.
Gjatë pasdites, autoritetet raportuan për një alarm të dytë në fushën e sigurisë. Rreth orës 13:45 (GMT) u sinjalizuan se një automjet që shërbente për shpërndarjen e dërgesave ishte grabitur nga katër burra të maskuar, njëri prej tyre zotëronte armë zjarri’’, bëri të ditur policia e Irlandës së Veriut.
/a.rada
