Kryeqyteti i Shqipërisë po shndërrohet në një nga destinacionet më të kërkuara për pushuesit irlandezë këtë dimër.
Me temperatura mesatare prej 14 deri në 16 gradë Celsius në dhjetor dhe janar, Tirana ofron një alternativë të ngrohtë ndaj klimës së ftohtë të Irlandës.
Sipas të përditshmes irlandeze The Irish Sun, “shumë pushues irlandezë po dynden drejt Tiranës, kryeqytetit shumëngjyrësh dhe historik të Shqipërisë, i njohur për temperaturat e ngrohta të dimrit, jetën e natës dhe çmimet e shkëlqyera.”
Fluturimet nga Dublini drejt Aeroportit Ndërkombëtar të Tiranës kushtojnë vetëm 39 euro me linjën ajrore Ryanair.
Aeroporti ndodhet rreth 20 minuta larg qendrës së qytetit, duke e bërë udhëtimin të lehtë dhe të shpejtë. Përveç kësaj, hotelet lokale ofrojnë paketa gjithëpërfshirëse – një javë në “Mosaic Home” kushton 685 euro, duke përfshirë edhe biletat e fluturimit.
Tirana ofron një gamë të gjerë aktivitetesh për vizitorët. Sheshi Skënderbej është zemra e qytetit, ku turistët mund të shijojnë arkitekturën madhështore dhe ndërtesat shumëngjyrëshe. Një tjetër atraksion i veçantë është teleferiku i Malit të Dajtit, i cili ofron pamje spektakolare të kryeqytetit dhe maleve përreth.
Për ata që duan të eksplorojnë jashtë qytetit, plazhet e Durrësit dhe Golemit janë destinacione ideale për ajër të pastër deti dhe diell dimëror.
Shkrimi i Plotë i “Irish Sun”
Dëshironi të shpëtoni nga i ftohti këtë janar? Atëherë hidhini një sy këtij vendi të bukur mesdhetar me diell dhe paketa pushimesh njëjavore duke filluar nga 685 euro, sipas të përditshmes irlandeze “The Irish Sun”.
Shumë pushues irlandezë po dynden në Tiranë, kryeqytetin shumëngjyrësh dhe historik të Shqipërisë, i njohur për temperaturat e ngrohta gjatë dimrit, jetën e natës dhe çmimet e shkëlqyera.
Tirana është e njohur për jetën e natës dhe pamjet historike. Turistët mund të vizitojnë fshatrat e bukura të Shqipërisë.
Tirana gëzon temperatura mesatare prej 14 deri në 16 gradë Celsius në dhjetor dhe janar.
Shtetasit irlandezë mund të fluturojnë nga Dublini në Tiranë për vetëm 39 euro me linjën ajrore “Ryanair”.
Aeroporti i Tiranës është vetëm 20 minuta larg nga qendra e qytetit me makinë ose taksi.
Një numër hotelesh gjithashtu ofrojnë paketa gjithëpërfshirëse.
Vizitorët mund të kalojnë një javë të plotë në “Mosaic Home” për vetëm 685 euro, duke përfshirë fluturimet.
Tirana ofron temperatura mesatare prej 14 deri në 16 gradë Celsius në dhjetor dhe janar, me mot të thatë gjatë gjithë vitit – dhe qyteti ofron shumë mundësi aktivitetesh.
Vizitoni Sheshin Skënderbej në Tiranë, ku mund të eksploroni arkitekturën madhështore, ndërtesat shumëngjyrëshe dhe “zemrën” e gjallë të qytetit.
Gjithashtu, mund të merrni teleferikun në malin Dajti për të shijuar pamjen spektakolare të të gjithë Tiranës dhe maleve përreth.
Nëse dëshironi të dilni jashtë kryeqytetit, vizitoni plazhet e Durrësit dhe Golemit, si vendpushime ideale për t’u relaksuar në ajrin e pastër të detit dhe diellin dimëror.
Adhuruesit e historisë mund të vizitojnë Kalanë e Krujës, një nga monumentet më të famshme të Shqipërisë, me pamje gjithëpërfshirëse të fshatit.
Gjithashtu, adhuruesit e kuzhinës do të kenë mundësinë të provojnë dhe shijojnë ushqime tradicionale vendase.
Vizitoni “Restorantin Shendeverë” dhe shijoni disa gatime të shkëlqyera tradicionale shqiptare, të tilla si byrek ose tavë kosi.
Byreku shqiptar shpesh shitet si ushqim rruge dhe konsumohet i ngrohtë.
Brumi i kripur, i bërë me shtresa të holla, mbushet me përbërës të tillë si, spinaq dhe djathë në stilin e rikotës, mish i grirë dhe qepë, ose presh.
Tava e kosit është një pjatë tradicionale e Shqipërisë – qengj i pjekur në kos të athët dhe vezë.
Ju mund të vizitoni “Restorantin Rooms”, i cili është i famshëm për kuzhinën mesdhetare dhe pjatat elegante.
Dhe sigurisht, ju mund të përfitoni nga çmimet e lira të pijeve.
“Mi-to Culture Bar Tirana” – krenohet me vlerësimet e shkëlqyera me pesë yje dhe është i njohur për pijet dhe koktejet e tij të shkëlqyera.
Nëse jeni duke kërkuar një vend premium me pamje të mrekullueshme, vizitoni “Sky Bar” – me pamje nga qyteti.
Dhe nëse ju mungon vërtet shtëpia, vizitoni “Meduza’s Irish Pub” për të shijuar një krikëll birrë.
Me fluturime të lira, pamje të mrekullueshme dhe mot të ngrohtë dimëror, Tirana është vendi ideal për të vizituar këtë janar nëse doni të shpëtoni nga i ftohti.
