Irani i ka shpallur “forcat detare dhe ajrore” të shteteve anëtare të Bashkimit Evropian si organizata terroriste. Kjo është përgjigjja e Teheranit ndaj “vendimit të paligjshëm dhe të pajustifikuar” të marrë të enjten e kaluar nga Këshilli Evropian, i cili ka përfshirë Gardën Revolucionare në listën e organizatave terroriste, pas marrëveshjes së Këshillit të Punëve të Jashtme të 29 janarit. Kështu thuhet në një deklaratë të Ministrisë së Jashtme iraniane.
“Vendimi i qeverive të BE-së është në kundërshtim me parimet themelore të Kartës së Kombeve të Bashkuara”, thuhet në deklaratë, të cituar nga Islamic Republic News Agency (Irna), e cila i referohet një ligji iranian të vitit 2019, miratuar pasi Shtetet e Bashkuara shpallën Gardën Revolucionare si organizatë terroriste. Ligji parashikon se “të gjitha vendet që në çfarëdo mënyre respektojnë ose mbështesin vendimin e Shteteve të Bashkuara do t’i nënshtrohen masave reciproke”.
Më 1 shkurt, Parlamenti iranian kishte shpallur tashmë “ushtritë evropiane” si organizata terroriste.
