Presidenti iranian, Hassan Rohani deklaroi sot fitoren mbi grupin Shteti Islamik (ISIS) në Irak dhe Siri para se Bagdadi dhe Damasku të shpallnin shpërbërjen e tij.
Irani mbështet qeveritë e Damaskut dhe Bagdadit duke dërguar në Siri dhe Irak këshilltarë ushtarakë dhe vullnetarë për të luftuar grupet rebele dhe xhihadistët.
“Duhet të falenderojmë të gjithë luftëtarët, diplomatët, Guidën Supreme, forcat e armatosura irakiane dhe siriane për fundin e këtij grupi që kishte sjellë vetëm të keqe, shkatërrim, vdekie dhe egërsi”, deklaroi Rohani në një fjalim të publikuar në televizionin shtetëror.
Kjo deklaratë vjen disa ditë pas rimarrjes nga forcat proqeveritare në Irak dhe Siri të bastioneve të fundit urbane nga grupi xhihadist Shteti Islamik, që ka nën kontroll aktualisht vetëm dusa zona në shkretëtirë në kufirin mes dy vendeve./b.d
