Teherani do të padisë Uashingtonin para gjykatës ndërkombëtare për konfiskimin e dy miliardë dollarëve të fondeve iraniane të ngrira nga SHBA-ja, deklaroi sot presidenti iranian Hassan Rohani gjatë një fjalimi të publikuar në televizionin shtetëror.
“Shumë shpejtë do të dërgojmë dosien e dy miliardë dollarëve para gjykatës ndërkombëtare. Ne nuk do të lejojmë SHBA-në të gëlltisë me kaq lehtësi këto para”, deklaori presidenti Rohani para mijëra personash të mbledhur në Kerman (jug).
Gjykata Supreme amerikane vendosi më 20 prill të sekuestrojë rreth dy miliardë dollarë nga fondet iraniane aktualisht të ngrira në Nju Jork që përkonin me aksione në të cilat kishte investuar banka qendrore e Iranit. (javanews.al / a.r)