Trajnuesit iranianë po punojnë në një nga bazat ushtarake ruse në Krime, mbërritja e tyre ka përkuar me një rritje të bombardimeve të Ukrainës duke përdorur dronët iranianë, ka zbuluar New York Times.
Sipas informacioneve të gazetës amerikane, Irani ka dërguar në Krimenë e aneksuar nga Rusia, trajnues për ushtrinë ruse që drejton mjetet ajrore pa pilot, me të cilat furnizon ushtrinë ruse.
Trajnerët iranianë duhet të ndihmojnë rusët të zgjidhin problemet me dronët iranianë që blenë nga Teherani, tha gazeta, duke cituar ish-zyrtarë dhe zyrtarë aktualë të njohur me inteligjencën.
Publikimi shton se trajnerët punojnë në një nga bazat në Krime ku ka një numër të madh dronësh dhe se ata i përkasin Korpusit të Gardës Revolucionare, e cila është klasifikuar nga SHBA si organizatë terroriste.
Sipas burimeve të gazetës, trajnerët iranianë janë larg vijës së frontit dhe numri i tyre nuk dihet.
Po aq e panjohur mbetet nëse trajnerët iranianë janë ata që drejtojnë dronët që godasin objektet ukrainase.
/s.f
