Deri në vitin 2020, Shqipëria do të përfitojë 650 milionë euro fonde nga Bashkimi Evropian, në kuadër të programit IPA 2.
Bëhet fjalë për një mbështetje financiare që jepet për vendet që synojnë anëtarësimin në Bashkimin Europian për realizimin e projkteve në sektorë të ndryshëm. Por përfitimi i këtyre fondeve nuk do të jetë i lehtë.
Albana Gjinopulli, Drejtoresha e Agjencisë së Auditit, struktura që nëpërmjet auditeve të saj jep siguri të pavarur dhe objektive Komisionit Europian dhe qeverisë mbi funksionimin e sistemeve të menaxhimit, kontrollit dhe mbikëqyrjes të ngritura për proggramin IPA shpjegon se ka probleme që në fazën e hartimit të projekteve nga ministritë përkatëse, të cilat më pas dërgohen nga qeveria për financim në Komisionin Europian.
Albana Gjinopulli: Jo të gjithë janë të specializuar për përgatitjen e projekteve. Ndonjëherë dhe nga një lapsus është e pamundur të përfitosh financimin por vihet re se ka interes më të madh nga të gjithë institucionet që konsiderohen përfitues të ligjshëm”
Por hallka më e vështirë do të jetë zbatimi në terren i projekteve, duke pasur parasysh risqet e mundshme, shumë herë të pamundura për t’u parashikuar.
Albana Gjinopulli: Po mendohet jo thjesht në terma afat shkurtër por dhe në terma afatgjatë
Shqipëria ka përfituar për periudhën 207-2013 rreth 517 milionë euro nga baskimi europian në kuadër të programit IPA 1. Një pjesë e projekteve kanë nisur tashmë zbatimit, ndërsa pjesa tjetër janë në fazën e rialokimit të fondeve. Oranews/ javanews/ a.k
