Kina ka investuar ndjeshëm në çështjet e trashëgimisë kulturore të Rajonit Autonom të Tibetit, me 2.17 miliardë juanë (rreth 302 milionë dollarë amerikanë) të shpenzuara në këtë sektor nga viti 2016 deri në vitin 2020, bën të ditur “Xinhua”.
Fondet ndihmuan kryesisht për të mbështetur mbrojtjen e trashëgimisë kulturore të rajonit, kërkimin arkeologjik dhe historik, zhvillimin me cilësi të lartë të muzeve, rritjen e shkencës dhe teknologjisë dhe fushave të tjera që lidhen me sektorin, sipas Konferencës rajonale për Trashëgiminë Kulturore, të zhvilluar të hënën.
Po ashtu, Administrata Kombëtare e Trashëgimisë Kulturore dhe qeveria rajonale nënshkruan një marrëveshje bashkëpunimi për forcimin e mbrojtjes dhe përdorimit të trashëgimisë kulturore në Tibet.
Palët do të promovojnë së bashku reformën e mbrojtjes dhe përdorimit të trashëgimisë kulturore në Tibet dhe do të mbështesin zhvillimin me cilësi të lartë të çështjeve të trashëgimisë kulturore në fusha të tilla si reforma dhe inovacioni në mbrojtjen dhe përdorimin e trashëgimisë kulturore, mbrojtjen dhe menaxhimin e burimeve të trashëgimisë kulturore, kërkimi arkeologjik, inovacioni teknologjik dhe trajnimi i talenteve, thuhet në marrëveshje.
Që nga fundi i vitit 2012, Tibeti ka regjistruar 4468 vende të trashëgimisë kulturore të paluajtshme të llojeve të ndryshme dhe 510.000 pjesë të trashëgimisë kulturore të luajtshme.
