Kryebashkiaku Erion Veliaj shprehet i sigurt se zgjedhjet do të zhvillohen më 30 qershor. Duke folur në emisionin “Real Story” ai sqaroi se nëse nuk do të ketë zgjedhje, nuk do të mund të bëhen më pas kësaj date asnjë punë në Tiranë, pasi firma si Kryetar Bashkie nuk mund të delegohet.
“Do ketë zgjedhje, unë sot kam firmosur gjithë urdhër pagesat për ushqimet që do të shkojnë në çerdhe dhe kopshte. Në dallim me ministritë që kanë drejtor të përgjithshëm, bashkitë kanë vetëm një që është kryetari i bashkisë.
Unë nuk kam kujt tia delegoj detyrën dhe pas 30 korrikut unë nuk kam më tagër të firoms asjgë në emër të bashkisë, pasi atëherë kam bërë betimin.
Pra nuk mund të shtyhen. Me ligjin që kemi sot nuk i shtyjmë dot, plus nuk kemi arsye. Është hera e parë që e dëgjoj që kan kërkuar të shtyhen zgjedhjet”, tha Veliaj.
Kryebashkiaku Veliaj nënvizoi se qyteti nuk mund të lihet në dorën e fatit pas 30 qershorit, Ndaj, -sqaroi ai, për Këshillin Bashkiak të Tiranës do të jenë 100 kandidatë në listat e PS.
“Supozojmë se opozita çmendet dhe kjo opozitë është çmendur.
Ne kemi një shprehje në shqip që unë e urrej shumë “budallait hapi rrugë”. Unë them s’kemi pse t’i hapim rrugë budallait vetëm pse na zë rrugën. Unë nuk e kam luksin ta marr me sportivitet këtë punë.
Ndaj me seriozitet si nga dita e para që e kam nisur, ne nuk mund ta lëmë qytetin në dorë të fatit pas 30 qershorit. Ndaj ne kemi menduar që këtë 100 kandidatë për këshill, të jenë gati edhen nëse opozita çmendet dhe nuk merr pjesë”, deklaroi Veliaj.
