Interi dhe Manchester City janë dy skuadrat e radhës që kanë siguruar biletën e çerekfinaleve të Champions League.
Skuadra angleze shkatërroi Leipzigun, teksa e mposhti me rezultatin e thellë 7-0, me 5 gola të shënuar nga Haaland.
Ndërkohë, Interi arriti të kualifikohet duke menaxhuar fitoren minimale 1-0 në “San Siro”. Në Portugali ndeshja u mbyll pa gola, ndërsa skuadra vendase e rriti ndjeshëm presionin në minutat e shtesës aty ku pati raste të shumta për shënim.
Në fillim ishte Dumfries ai që hoqi topin nga vija fatale, ndërsa më pas Porton e ndali dy herë radhazi traversa, duke mos arritur ta çonte ndeshjen në shtesë.
Mbrëmjen e së mërkurës do të luhen edhe dy ndeshjet e fundit që do të përcaktojnë fazën çerekfinale të Champions League.
