Interi ka pësuar humbjen e parë këtë edicion pas 17 xhirove në Serie A. Të besuarit e Spallettit u befasuan në “Giuseppe Meazza” nga Udinese, duke u mposhtur 3:1.
Të parët në epërsi kaluan mysafirët me golin e Kevin Lasagna (14’). Barazoi gjithçka Mauro Icardi një minutë më vonë.
Kur u mendua që Interi do të bëjë diçka më shumë në pjesën e dytë, ndodhi e kundërta.
Miqtë befasuan vendasit me golat e Rodrigo De Paul (60’) dhe Antonin Barak (77’), për rezultatin përfundimtar 3:1.
Pas humbjes së parë në Serie A, Interi vazhdon të mbetet lider në Serie A me 40 pikë, por që mund të zhvendoset në pozitën e tretë nëse Napoli dhe Juventusi rrëmbejnë pikët e plota në xhiron e 17’të./a.m.
