Koha e pamjaftueshme e vënë në dispozicion nga trajneri Arsene Wenger këtë sezon, ka bërë që Theo Walcott t’i kërkojë agjentit të tij një skuadër të re këtë afat kalimtar.
Edhe pse ofertat nga Anglia nuk mungojnë, reprezentuesin i ‘Tre Luanëve’ karrierën mund ta vazhdojë në futbollin italian.
Sipas ‘TuttoMercatoWeb’, është skuadra e Interit që po kërkon shërbimet e anësorit 28 vjeçar.
Arsenali po kërkon 20 milionë euro për Walcottin që ka kontratë deri në përfundimin të sezonit të ardhshëm, por Interi do të tentojë fillimisht huazimin e tij, me të drejtë blerje në fund të sezonit./a.m.
