Pas një humbjeje dhe një barazimi, Inter rikthehet te fitorja pikërisht në ndeshjen dhe momentin e duhur.
Skuadra zikaltër triumfoi në derbin e Italisë duke mposhtur Juventusin me rezultatin 2-0.
Golat që I japin tre pikët e arta skuadrës së Antonio Contes u shënuan nga Vidal në minutën e 12 dhe nga Barella në të 52-ën.
Me këtë fitore Inter ngjitet në kuotën e 40 pikëve, aq sa edhe Milani kryesues që luan nesër në mbrëmje ndaj Cagliarit.
Nga ana tjetër, Juventus, që kishte një seri rezultatesh pozitive, stopohet në kuotën e 33 pikëve, në vend të pestë.
/a.r
