Viti 2018 mund të jetë një vit vendimtar për të gjithë rajonin e Ballkanit, në rrugën për në Bashkimin Europian, ka deklaruar Federica Mogherini në statusin e saj Facebook.
Mogherini thekson se Shqipëria dhe Bashkimi Europian janë në linjë me njëqind për qind.
Përfaqësuesja e Lartë e BE-së për Punët e Jashtme dhe Politikat e Sigurisë si dhe Zëvendës Presidentja e Komisionit Evropian, Federica Mogherini, shkruan në blogun e saj se “Këto ditët e fundit – pas vendimit historik për të nisur një bashkëpunim të përhershëm të strukturuar në mbrojtje – jemi përkushtuar për të punuar me partnerët tanë në Ballkan”.
“2018 mund të jetë një vit vendimtar për të gjithë rajonin në rrugën e drejt BE-së dhe ne duam për të shoqëruar këtë proces me një strategji të re të BE-së drejt Ballkanit dhe do ta përgatisim për muajin shkurt”, shprehet Mogherini, raporton ATSH.
Të mërkurën, unë drejtoja Këshillin e Asocimit dhe Stabilizimin me Shqipërinë, së bashku me ministrin e Jashtëm, Ditmir Bushati. “Tirana ka nisur reforma të rëndësishme në drejtësi, në luftën kundër korrupsionit, krimit të organizuar dhe trafikimit të drogës. Dhe për të gjitha çështjet kryesore të çështjeve të jashtme, Shqipëria dhe Bashkimi Europian janë në linjë me njëqind për qind. Për këto arsye, gjithashtu, kam konfirmuar vendosmërinë tonë për të ndjekur rrugën e integrimit evropian të Shqipërisë”.
/a.ç
