“Kryetari i Kuvendit i kërkoi institucioneve përgjegjëse brenda Kuvendit siç është dhe komisioni për cështjet ligjore që prej ditës së hënë të nisi puna dhe procedurat për ngritjen e dy institucioneve shumë të rëndësishme të sistemit të ri gjyqësor që reforma në drejtësi po prodhon që është KLGJ dhe KLP. Po të kemi parasysh që faza e parë, ajo e mbledhjes dhe administrimit të propozimeve ka konkluduar me sukses”, tha Balla para mediave.
Balla tha të enjten se mazhoranca është e gatshme të bashkëndajë me PD triumfin e hapjes së negociatave.
Balla tha se në procesin e vendimmarrjes së BE-së për hapjen e negociatave me Shqipërinë, “jemi të gjithë në nevojshëm për të mos i prishur punë Shqipërisë”.
“Sjellja e sotme, bojkoti i sotëm i konferencës së kryetarëve, që me shumë gjasa do mund të përkthehet edhe në një largim nga seanca plenare e datës 15 Janar, të paktën nga sjellja që kuptuam sot, nuk i bën mirë PD, nuk i bën mirë opozitës dhe i prish punë Shqipërisë. Thirrja jonë është që të gjithë duhet të jemi bashkë për të kontribuar dhe ribëj apelin e kryeministrit Rama që ne jemi të gatshëm që triumfin e Shqipërisë me hapjen e negociatave ta bashkëndajmë me opozitën, sepse në fund të fundit nuk është një triumf i mazhorancës, i PS, por i të gjithë shqiptarëve në aspiratën tonë për integrim evropian.”
Balla tha se Kuvendi do të vazhdojë punën, edhe nëse opozita përpiqet ta bllokojë.
“Ta harrojë kushdo qoftë lideri i radhës i PD apo LSI që mund të pengojnë Shqipërinë në ecjen përpara të Reformës në Drejtësi. Sot kemi opozitën e vetme ndoshta në botë të bërë bashkë nga frika e Reformës në Drejtësi.”
a.ç
