Në muajin mars 2017 eksportet e mallrave arritën vlerën 23 miliardë lekë, duke u rritur me 17,2 %, në krahasim me një vit më parë dhe me 12,9 %, në krahasim me shkurtin e 2017.
Sipas raportit mbi tregtinë e jashtme të publikuar nga Instituti i Statistikave (INSTAT), importet e mallrave arritën vlerën 54 miliard lekë, duke u rritur me 14,6 %, në krahasim me një vit më parë dhe me 22,3 %, në krahasim me shkurtin e 2017.
Defiçiti tregtar i këtij muaji, sipas INSTAT, është 31 miliard lekë, duke u rritur me 12,8 %, krahasuar me marsin e 2016 dhe me 30,2 %, në krahasim me Shkurt 2017.
Në treujorin e parë eksportet e mallrave arritën vlerën 62 miliard lekë, duke u rritur me 15,7 %, krahasuar me një vit më parë dhe importet e mallrave arritën vlerën 133 miliard lekë, duke u rritur me 7,5 %, krahasuar me një vit më parë. Defiçiti tregtar arriti vlerën 71 miliard lekë, duke u rritur me 1,3 %, krahasuar me 2016.
Grupet që kanë ndikuar pozitivisht në rritjen vjetore të eksporteve, janë: “materiale ndërtimi dhe metale” me +6,0 pikë përqindje, “minerale, lëndë djegëse, energji elektrike” me +5,7 pikë përqindje, “tekstile dhe këpucë” me +3,7 pikë përqindje.
Grupet që kanë ndikuar negativisht në ndryshimin vjetor të eksporteve, janë “lëkurë dhe artikuj prej tyre” me -0,3 pikë përqindje,“produkte kimike dhe plastike” me -0,1 pikë përqindje, dhe “prodhime druri dhe letre” me -0,1 pikë përqindje.
Rritja vjetore e importeve prej 14,6 %, këtë muaj është ndikuar kryesisht nga grupet “makineri, paisje, pjesë këmbimi” me +3,7 pikë përqindje, “produkte kimike dhe plastike” me +3,1 pikë përqindje, “materiale ndërtimi dhe metale” me +2,2 pikë përqindje.
Në ndryshimin vjetor të importeve ka ndikuar negativisht vetëm grupi “prodhime druri dhe letre” me -0,1 pikë përqindje.
Importet, gjatë tremujorit të parë, janë rritur me 7,5 %, krahasuar me një vit më parë. Grupet që kanë ndikuar pozitivisht në rritjen vjetore të eksporteve, janë produkte kimike dhe plastike” me +2,5 pikë”përqindje, “tekstile dhe këpucë” me +1,4 pikë përqindje, “makineri, pajisje dhe pjesë këmbimi” me 1,3 pikë përqindje. Grupi që ka ndikuar negativisht në ndryshimin vjetor të eksporteve, është “prodhime druri dhe letre” me -0,2 pikë përqindje./atsh
c.a
