- Numrit të lartë të turistëve të huaj që do të vijnë këtë vit në Shqipëri, do t’i përgjigjen qindra të rinj, të cilët do të shërbejnë si informatorë duket u treguar atyre atraksionet turistike shqiptare.
500 persona do të punësohen nga veriu në jug për muajt korrik gusht me pagë minimale 24.000 lekë: ata do të do të vendosen në pika strategjike me qëllim mikpritjen dhe informimin e vizitoreve.
“Janë evidentuar 9 pikat hyrëse kufitare ku do të stacionohet të rinjtë për të mirëpritur turistët që vijnë me makinë, traget apo avion…më pas janë përcaktuar edhe 23 pika të tjera ku do të qëndrojnë pjesa tjeter. Në duam ti mirëpresim turistët ti informojmë për atraksionet, do ti informojmë për festat lokale në zona të ndryshme në mënyrë që ata të argëtohen” thotë Zamir Dedej, drejtor i Agjencisë së Zonave të Mbrojtura në Ministrinë e Mjedisit dhe Turizmit.
Kjo nismë është pjesë e projektit “Smile Albania”, Buzëqesh Shqipëri që Ministria e Turizmit ka nisur të zbatojë për këtë sezonin turistik. Ndërsa të rinjtë që duan të punësohen mund të aplikojnë online në faqen e institucionit, por edhe të dorëzojnë aplikimet në zyrat rajonale të zonave të mbrojtura..
Duam të rinj energjik nga mosha 18 deri në 30 vjeç. Kriteri ynë është që të dinë gjuhë të huaj, anglisht. Paga është minimale që ofron shteti. Deri tani kemi patur një bum aplikimesh”-thotë Zamir Dedej.
Kjo është hera e parë që autoritetet organizojnë një plan kaq masiv punësimi sezonal në turizëm.
a.ç
