I paralajmëruar për të nisur në 1 shtator, aksioni masiv ndaj informalitetit duket se është shtyrë disa ditë.
Duke parë kërkesën e madhe për t’u regjistruar, që ka krijuar radhë të gjata në QKR, po ashtu dhe dyndjen për t’u pajisur me kasa fiskale, tatimorëve u është kërkuar që t’i lënë disa ditë kohë bizneseve që të vetëformalizohen. Siç duket, aksioni nuk ka nisur dhe është shtytë për të hënën e javës tjetër.
Ndërkohë po organizohen në mënyrë të koordinuar grupet e punës, me pjesmarrjen e tatimorëve dhe inspektorëve të punës, në mbështetje edhe me forcat e rendit.
Mësohet se aksioni nuk do të ketë në fokus bizneset e vogla, por dhe të mëdhatë, që do të kontrollohen në të gjitha hallkat, nga punonjësit deri tek mallrat, që nëse nuk i kanë me fatura, do t’i konfiskohen.
