Një infermiere japoneze dyshohet të ketë vrarë dhjetëra pacientë të moshuar, pasi dëshironte që ata të mos ndërronin jetë gjatë kohës që ishte në punë, por pas lënies së turnit të saj.
Këtë e bënte për shkak të “shqetësimit” të të afërmve me lajme tragjike, raportoi media japoneze.
Infermierja 31 vjeçare dyshohet se me dorën e saj u ka “dhënë” vdekjen 48 pacientëve në Spitalin Oguchi në Yokohama në verën e vitit 2016. Ajo ka rrëfyer për vrasjen e pacientëve të sëmurë që ishin tashmë në prag të vdekjes.
Në pamundësi për t’u përballur me ngarkesën emocionale për t’u shpjeguar të afërmve se pse pacienti vdiq në orën e saj, Ayumi Kuboki dyshohet se vrau viktimat e saj duke kryer një intravenoz me një dezinfektues që përmban klorur benzalkonium.
“E urrej duke parë përkeqësimin e shpejtë të gjendjes së tyre”, u citua Kuboki duke u thënë hetuesve. “Unë nuk dua që ata të vdesin gjatë turnit tim. Ishte e vështirë për t’u shpjeguar anëtarëve të familjes së tyre. “
a.ç
