Infermierja nga Përmeti që u shtrua me urgjencë në spitalin e Gjirokastrës rezultoi negative ndaj koronavirusit.
Përgjigja për 59-vjeçaren nga fshati i Ballabanit ka ardhur pas analizave të bëra në Tiranë.
Ajo u dërgua në spital pasi gjendja e saj u përkeqësua.
Prej katër ditësh kishte qëndruar e shtrirë në spitalin e Përmetit me shenja gripi, por gjendja e saj u përkeqësua sot dhe u urdhërua dërgimi në spitalin rajonal të Gjirokastrës.
ISHP mori një kampion gjaku dje rreth orës 12:00 dhe u dërgua për analizë në Tiranë për të mësuar nëse ishte infektuar me virusin e ri Covid-19. Dhe përgjigjja doli negative.
Deri tani, numri i të infektuarve në Shqipëri është 15 dhe numri i viktimave është një.
/a.r
