Një ngjarje e shëmtuar është regjistruar në Itali, ku një infermier shqiptar i ka vjedhur kartën e bankomatit pacientit me koronavirus.
Mediat italiane shkruajnë se infermieri shqiptar, një 41-vjeçar që banon në Boltiere, Bergamo, i vodhi portofolin një pacienti 66-vjeçar në një spital në provincën e Bergamos.
Ngjarja ka ndodhur që më 23 mars, kur pacienti u dërgua në dhomën e urgjencës, ku infermieri i mori portofolin i ndihmuar edhe nga e dashura, një 21-vjeçare.
Ata tërhoqën nga llogaria e pacientit 6 mijë euro brenda disa javësh. 66-vjeçari humbi jetën nga koronavirusi më 14 prill. Ishin familjarët e pacientit ata që vunë re disa lëvizje të pazakonta në llogarinë e tij dhe paraqitën një ankesë në rajonin e policisë të Romano di Lombardia (Bergamo).
Hetimet identifikuan shumë shpejt autorët e këtij krimi. Kur oficerët e ndaluan atë, infermieri u përpoq të ikte, por u ndaluar direkt nga policia.
/e.rr
