“Për të krijuar mundësinë e pjesëmarrjes në provim, të gjithë kandidatët e interesuar, duhet të dorëzojnë pranë zyrave ku kanë bërë regjistrimin në praktikë dokumentet e mëposhtme:
1.Kërkesë për regjistrim në provim, ku do të përcaktoni saktë për të satën herë hyni në provim praktike.
2.Fotokopje e diplomës dhe e listës së notave.
3.Fotokopje e kartës së identitetit dhe kartës së praktikantit.
4.Librezën e Praktikës.
Për datat e realizimit të VAP do të jenë nga data 8-15 Prill 2017, për më shumë do të qëndroni në kontakt me faqen e UISH online. Ata që e japin VAP në këtë sezon nuk kanë nevojë të bëjnë konfirmim pjesëmarrje për Provimin e Shtetit, pasi për të gjithë fituesit e VAP, emri herën e parë (dmth direkt pas kalimit të VAP) regjistrohet automatikisht për Provim Shteti”, thotë Urdhëri i Infermierit.
Gjithashtu në datë 20-21-22 Mars 2017 bëhen edhe konfirmimet e pjesëmarrjes për të gjithë ata që janë përsëritës të Provimit të Shtetit duke dorëzuar dokumentacionin e mëposhtëm:
1.Një kërkesë ku do të përcaktoni saktë për të satën herë hyni në Provim Shteti. Në rast se konstatohet që keni deklaruar gabim, penalizoheni duke u skualifikuar nga e drejta për të dhënë provimin këtë sezon.
2.Fotokopje e diplomës dhe e listës së notave.
3.Fotokopje e kartës së identitetit dhe kartës së praktikantit.
“Edhe kandidatët e regjistruar në qarqe të tjera mund të vijnë të bëjnë konfirmimin në zyrat qëndrore në Tiranë nëse e kanë të pamundur të shkojnë aty ku kanë bërë regjistrimin fillestar”,- thekson në njoftimin për shtyp UISH.
