Covid-19 rikthehet sërisht në Drejtorinë e Policisë Elbasan. Mësohet se janë konfirmuar pozitiv për koronavirusin dy oficerë të kësaj drejtorie.
Ata janë vetëkarantinuar në banesat e tyre, ndërsa dyshohet se ata janë infektuar nga ambientet publike përkatesisht në një bar kafe në këtë qytet.
Ekspertët e shëndetit vijojnë hetimin epidemiologjik për kontakte të tjera që dyshohet se janë infektuar, ndërsa mësohet se tamponi për ta nuk është kryer ende por vetëm është këshilluar nga ISHP vetëkarantinimi.
Më parë në këtë drejtori kanë rezultuar pozitiv me covid-19 edhe 8 punonjës të tjerë të cilët janë shëruar tashmë.
NDërkohë edhe shefi i Rendit në Komisariatin e Policisë Librazhd është i infektuar me Covid-19. Mësohet se ky rast shënon të infektuarin e parë me koronavirus në Komisariatin e Policisë Librazhd. Shefi i Rendit është futur në karantinë tashmë dhe ndodhet në gjendje të mirë shëndetësore.
Që nga fillimi i pandemisë, ky qark, të cilit i përket edhe Librzhdi shënon 155 të infektuar aktivë me Covid-19 dhe 11 humbje jete.
g.kosovari
