Wuhani, qyteti kinez ku u shfaq Covid-19 në fund të vitit 2019, do të kryejë testime për të gjithë qytetarët brenda 10 ditëve për shkak të frikës për një valë të dytë të Covid-19.
Autoritetet njoftuan planin e testimit në një “njoftim emergjence” sipas mediave shtetërore.
Kjo masë vjen si përgjigje ndaj gjashtë infeksioneve të reja që u shfaqën në Wuhan javën e kaluar pasi mbi një muaj nuk kishte raste të reja.
Njoftimi urgjent është lëshuar “për të forcuar parandalimin dhe kontrollin shoqëror, për të parandaluar rikthimin e epidemisë dhe forcimin e normalizimit të parandalimit dhe kontrollit të epidemisë.
Nërkohe një grup personash të infektuar me koronavirus janë raportuar në Wuhan të Kinës, ku virusi u shfaq fillimisht. Wuhan raportoi 5 raste të reja ditën e djeshme, pas konfirmoi rastin e parë që nga 3 prilli.
Autoritetet thanë se grupi i personave të infektuar ishin të gjithë nga i njëjti komopeks banesash.
Deri më tani në Kinë janë shënuar 4,663 viktima dhe janë regjistruar 82,919 të infektuar.
g.kosovari
