Sektori i prodhimit në Kinë po përjeton një transformim të shpejtë drejt prodhimit inteligjent, me industri të reja që po rriten me shpejtësi, bëri të ditur Ministria e Industrisë dhe Teknologjisë së Informacionit (MIIT), citon “Xinhua”.
Në një njoftim të ministrisë thuhet se Kina ka vendosur 50 standarde ndërkombëtare për prodhimin inteligjent dhe në vend ndodhen mbi 6500 ofrues të zgjidhjeve të sistemit të prodhimit inteligjent, duke ofruar shërbime që përfshijnë të gjithë sektorin e prodhimit.
Me mbi 4.14 milionë stacione bazë 5G, Kina ka arritur tashmë objektivin e saj për vitin 2025 prej 26 stacionesh bazë për 10.000 persona, duke përfaqësuar infrastrukturën e përparuar të vendit në teknologjitë inteligjente.
Ky tranzicion i shpejtë mund t’i atribuohet kryesisht politikave të fuqishme të qeverisë.
Zëvendësministri i MIIT, Xin Guobin, tha se Kina do të fokusohet në edukimin e një grupi ofruesish inteligjentë të zgjidhjeve prodhuese, që zotërojnë teknologjitë kryesore, si dhe që nxisin integrimin e mëtejshëm, inovacionin dhe aplikimin 5G në shkallë të gjerë në sektorin e prodhimit.
