Gjykata e Posaçme ka vendosur të pranojë kërkesën e ish-deputetit socialist Alqi Bllako për gjykim të shkurtuar. Kjo do të thotë se në rast se ai shpallet fajtor, i ulet 1/3 e dënimit.
Siç raporton gazetarja e Klan News Glidona Daci, për Bllakon ka nisur procesi gjyqësor në themel lidhur me çështjen e inceneratorit të Tiranës. Ai akuzohet për “korrupsion pasiv” në dy raste, ndërkohë SPAK ka relatuar në mënyrë të përmbledhur provat dhe faktet që disponon në lidhje me çështjen në fjalë, duke dhënë edhe argumentat se përse kërkon dënimin e Bllakos.
“Nga SPAK, janë paraqitur 37 fashikuj për çështjen e Bllakos”, bën me dije gazetarja.
Seanca e radhës është caktuar në datë 29 Janar në orën 10:00, ditë kur do të caktohet pretenca për Alqi Bllakon. Në të njëjtën seancë do të jepen edhe argumentat e mbrojtjes.
