Stela Gugallja, një prej personave të shpallur në kërkim nga Prokuroria e Posaçme për inceneratorin e Elbasanit, në cilësinë e ortakut të vetëm dhe administratorit të shoqërisë “Albtek Energy”, është arrestuar.
Burime për Tv Klan thanë se Gugallja është prangosur në Austri prej disa javësh dhe tashmë në një gjykatë në Vjenë po zhvillohet procesi për ekstradimin e saj.
Të njëjtat burime konfirmojnë se SPAK nëpërmjet Ministrisë së Drejtësisë, ka dërguar dokumentacionin e kërkuar nga autoritetet austriake për procesin e ekstradimit, megjithatë deri më tani ende nuk ka një konfirmim nëse Gugallja do të ekstradohet apo jo.
SPAK e akuzon Gugallen se në bashkëpunim me Klodian Zoton dhe Mirel Mërtirin kanë korruptuar zyrtarë për fitimin e koncensioneve të inceneratorëve dhe ndaj tyre është ngritur akuza e korrupsionit aktiv.
Zoto e Mertiri janë ende në kërkim.
Në dy dosjet e inceneratorëve janë marrë të pandehur 30 persona, mes tyre zyrtarë si ish -inistri Lefter Koka dhe ish-deputeti Alqi Bllako../m.j
