Ina Balla, jo vetëm arriti t’i japë fund dhunës, por edhe fitoi betejën e saj kundër një armiku më të madh, kancerin e gjirit. Mes këtyre vështirësive të panumërta dhe falë ndihmës së Bashkisë së Tiranës dhe shumë qytetarëve brenda dhe jashtë Shqipërisë ajo arriti që t’ia dalë. Ina tashmë është jo vetëm burim frymëzimi për shumë gra dhe vajza në betejën kundër kancerit, por bashkë me familjen e saj po ndihmon për shtimin e gjelbërimit në Tiranë, duke kontribuar për një mjedis më të shëndetshëm edhe për brezat e ardhshëm.
Ka qenë kryetari i Bashkisë së Tiranës Erion Veliaj i cili ka postuar në profilin etij në twitter foto ku Ina Balla sëbashku me fëmijët e saj i është bashkuar nismës së Bashkisë së Tiranës duke mbjellë pemë në Liqenin e Farkës. “Ina Balla është një heroinë – shitësja ambulante që jo vetëm respekton ccdo ligj të këtij qyteti, por dhe që kontribuon në ccdo nismë! Pasi mundi kancerin e gjirit, bashkë me familjen e saj po na ndihmon të fitojmë betejën për më shumë gjelbërim në Tiranë”, shkruan Veliaj. Dy vite më parë, Ina ishte në vështirësi ekonomike duke mos mundur të përballonte dot shpenzimet për të luftuar sëmundjen e saj të rëndë, por gjithashtu edhe të rriste dy vajzat e saj. Por sot, 37-vjeçarja ka një leje nga Bashkia e Tiranës si shitëse ambulante duke i mundësuar asaj që punojë në përputhje me ligjin dhe të sigurojë të ardhura për rritjen dhe shkollimin e vajzave të saj./a.ç
