Presidenti Ilir Meta në përfundim të intervistës në emisionin “Open” të Eni Vasilit ka njoftuar se ditën e sotme do të jetë i ftuar në emisionin “Zonë e Lirë” të Arian Çanit.
Meta u shpreh se kjo vizitë e tij tek Çani ka ardhur pasi, moderatori i ishte lutur prej kohësh.
“Do jem tek Çani më njoftojnë. 24 orët e ardhshme kam një aktivitet të rëndësishëm.
Më çmendi Çani, Ilir xhan, vëlla më ke braktisur, nuk harrohen shokët kështu, më shkruan. Kështu që nesër(sot) jam tek Çani”, ka thënë Meta.
Vasili: Mos më thoni që do t’i përgjigjeni insistimit të Çanit më shumë se insistimit tim për dekretin e Lleshit?
Meta: Së pari jam i sigurtë që ju jeni komplementarë me Çanin, edhe unë përpiqem të respektoj çdo kërkesë edhe ti menaxhoj në mënyrën më të mirë të mundshme.
Kuptohet nuk e kam atë komoditetin të dal në mënyrë të vazhdueshme sepse vet pozicioni është i tillë, por po përpiqem të jem sa më racional dhe të respektoj studiot me sa të mundem./a.ç
