Ilir Meta ka takuar ditën e sotme shkencëtaren më të re shqiptare, Arta Çika, e cila ka fituar në Britaninë e Madhe çmimin “TechWomen100”.
Teksa postoi një foto me shkencëtaren, Meta shkruan ndër të tjera se është frymëzues mesazhi i saj për të gjithë të rinjtë shqiptarë, për të ëndërruar fort dhe për të mos u ndalur në përpjekjet për t’i realizuar ato në Atdhe.
“I lumtur të takoja Arta Çikën, një shkencëtare të re dhe fituese të çmimit “TechWomen100” për vitin 2019 në Mbretërinë e Bashkuar, e cila këtë vlerësim ja ka dedikuar Shqipërisë, ku dhe mori dijet e para.
Frymëzues mesazhi i saj drejtuar të gjithë të rinjve e të rejave shqiptare për të ëndërruar fort dhe për të mos u ndalur në përpjekjet për t’i realizuar ato në Atdheun tonë të dashur. 🇦🇱”- ka shkruar Meta.
