Ilir Meta, kryetar i LSI-së provon thirrjen e fundit dhe ftesën elektorale sipas një modeli që është i njohur përgjithësisht në SHBA.
Ai i ka dërguar një mesazh të personalizuar të gjithë antarëve të partisë së tij në Tiranë dhe në Lezhë. “Ju falenderoj të gjithëve për punën e jashtëzakonshme. Tani është koha të përveshim mëngët për të përmbushur premtimin tonë për më shumë shërbim dhe punësim.
Prandaj ju ftoj të votoni Erion Veliaj, ju ftoj të votoni LSI dhe numrin 47”, shkruhet në sms-në që ai ka nisur dje në mbrëmje. Pak a shumë i njëjti tekst dhe ftesë është nisur dhe për antarë e simpatizantë të LSI-së në Lezhë, por duke ftuar për të votuar për Viktor Tushajn, kandidatin e koalicionit qeverisës, ASHE.
Në fushatat e fundit partitë politike e kanë përdorur shpesh telefoninë mobile për të shpërndarë ftesën dhe ofertën e tyre politike. Eshtë një nga mënyrat më direkte të komunikimit dhe sigurisht, si një mjet që vjen nga SHBA, nuk mund të mungonte në betejat elektorale shqiptare.
