Nga Adriatik Doçi
Ilir Meta figuron me versionin zyrtar të mbiemrit ‘Metaj’ në dosjet e ish Sigurimit te Shtetit. Ish presidenti u prezantuan me emër të rremë dhe jo zyrtar prej 23 vitesh.
Ish presidenti Ilir Meta, në mënyrë të qëllimshme apo jo, rezulton me gjeneralitete të ndryshme, një manovër kjo që përdoret zakonisht nga personat që kërkojnë t’i shpëtojnë kapjes policore dhe përballjes me drejtësisë. Në të gjitha dokumentet që ka firmosur, para publikut, në rrjetin social zyrtar në Facebook, në jetën e përditshme etj., Ilir Meta prezantohet me mbiemrin ‘Meta’.
Në regjistrin e gjendjes civile, në formularin e dekriminalizimit që ka plotësuar dhe shumë dokumente të tjera zyrtare, Ilir Meta figuron me mbiemrin ‘Metaj’, pra më shkronjën ‘j’ në fund. Në fushën juridike, regjistrat e policisë, sistemin TIMS, procese gjyqësore etj., ndryshimi i mbiemrit me një shkronjë është vendimtare, madje po aq sa një emër krejt tjetër i ndryshëm.
Për shembull, nëse një organ hetimor do ta thërrasë Ilir Metën një ditë, me emrin Ilir Meta, ky i fundit mund të mos paraqitet, pasi quhet Ilir Metaj. Ilir Meta mund të kalojë çdo barrierë dhe të shmangë përgjegjësinë me emrin Ilir Meta, pasi mbiemri i tij zyrtar është Metaj.
Po pse Ilir Meta nuk firmos me emrin e tij të plotë dhe pse e ka shmangur prej tre dekadash versionin ‘Metaj’?
Nëse Metës nuk i pëlqente versioni Metaj, pse nuk e ka ndryshuar në gjendjen e Gjendjes Civile?
A i ka mbajtur qëllimisht Meta dy versionet, Meta dhe Metaj, për të mbuluar të shkuarën si bashkëpunëtor i ish Sigurimit të Shtetit?
Report Tv ka konfirmuar sot se politikani dhe zyrtari i lartë i shtetit me iniciale I. M. ka qenë bashkëpunëtor i ish Sigurimit të Shtetit, është pikërisht Ilir Meta, i cili u ka fshehur shqiptarëve për 31 vite me radhë të shkuarën si spiun i sh Sigurimit. Në dosjet e ish Sigurimit, Ilir Meta figuron me versionin zyrtar të mbiemrit, Metaj. Ish Sigurimi i Shtetit ka krijuar një dosje për veprimtarinë e Ilir Metës në spiunazh. Meta ka spiunuar edhe shokun e tij.
Me falni, por cfare jane keto lajme bombasitike politike. E gjithe permbajtja eshte per ndryshimin e mbiemrit edhe perseritje te herepashereshme te faktit, por nese e ka bere e ka oas nje arsye, por gazetari nuk ngre fare problemin qe nga zanafilla kur eshte bere deputet.. A ka pas instucionper vleresimine figures, a jane verifikuar te dhenat, a jane tashme ligjore vkm e ligjiet qe ka firmosir, etj… Ngri mo gazetar problemin mos u merr me perseritje lajme ne cdo paragraf.