Ilir Beqaj nderohet nga OBSH me Çmimin Botëror Jo Duhanit
Drejtorja e Përgjithshme e Organizatës Botërore të OBSH-së, Dr. Margaret Chan, dhe Drejtorja Rajonale e OBSH-së për Evropën, Dr. Zsuzsanna Jakab, i akorduan dje Ministrit të Shëndetësisë, Ilir Beqaj, çmimin e Ditës Botërore Pa Duhan (World No Tobacco Day), në shenjë vlerësimi për punën e tij lidhur me kontrollin e duhanpirjes në Shqipëri.
Ceremonia e dorëzimit të çmimit u organizua gjatë mbledhjes plenare në ditën e dytë të Sesionit të 65-të të Zyrës Rajonale të OBSH-së për Evropën, që po zhvillohet në dt. 14-17 në Vilnius, Lituani.
Këtë vit, u dhanë gjashtë çmime të Ditës Botërore Pa Duhan në Rajonin Evropian të OBSH-së dhe një prej përfituesve është Ministri i Shëndetësisë së Shqipërisë, Ilir Beqaj. Në fjalën e saj me këtë rast, Dr. Jakab e vlerësoi Beqajn për “vendosjen në rradhë të parë të shëndetit të njerëzve dhe të ardhmes së shoqërisë” dhe “përpjekjet e vazhdueshme të Shqipërisë, nën udhëheqjen tuaj të mençur, për të luftuar epideminë e duhanit.”
