Ministri i Shëndetësisë, Ilir Beqaj, pa postuar në faqen zyrtare në Facebook për mbajtjen e premtimit për uljen e çmimit të ilaçeve, me 30 përqind. Në postim, Beqaj shkruan se janë shtuar 85 barna të reja në listën e rimbursimit, krahasuar me 2013, si dhe shqiptarë tashmë kursejnë 70 milionë dollarë në vit për blerjen e ilaçeve.
“NdryshimeReale → Sikundër kishim premtuar, ja dolëm të ulim çmimin e barnave, duke e afruar me çmimin në vendin e origjinës.
– Sot shqiptarët paguajnë 30% më pak për barnat.
– Shtuam 85 barna të reja në listën e rimbursimit se në 2013.
– I kursejmë shqiptarëve 70 milion dollarë në vit për blerjen e barnave.
– 150 000 qytetarë shqiptarë përfitojnë çdo ditë nga mjekimi me barnat e reja të shtuara në listen e rimbursimit.
– Shqiptarët janë çliruar nga barra e TVSH-së 10% për barnat dhe 20% shërbimet shëndetësore dhe materialet mjekësore të implantueshme.
– Zgjeruam ndjeshëm listën e barnave spitalore.
– Garantuam furnizim të vijueshëm të spitaleve tona me barna dhe materiale mjekësore.
– Dyfishuam fondet për barnat e shtrenjta citostatikë, kaq të nevojshme për trajtimin e sëmundjeve tumorale.
#MbajmëPremtimet”, shkruan ministri.
