Motra e 16-vjeçares shqiptare, e cila u gjet e vdekur një ditë më parë në derën e Kishës, ka dhënë detaje, lidhur me ngjarjen tragjike. Mediat greke shkruajnë se motra e adoleshentes, binjake, ka bërë me dije se e mitura herën e fundit që kishte dalë nga shtëpia, kishte thënë se do të takohej me një djalë, me të cilin ishte njohur kohët e fundit.
Sipas dëshmisë së motrës së 16-vjeçares, bëhet fjalë për një efektiv policie, që është një djalë i moshës 26-vjeçare.
“Dolën për herë të parë dje. Ai ishte më i madh se ajo. Doli në orën 03:00 nga shtëpia dhe nuk erdhi më. U shqetësova, telefonova policinë dhe u thashë që ta kërkonin,”-tregon e motra.
Babai i adoleshentes ka shkuar dhe është ulur në gjunjë në vendin ku u gjet trupi i të bijës.
“Ata e vranë atë, lulja ime është zhdukur …,”– mësohet të ketë thenë ai me lot në sy.
Trupi i adoleshentes shqiptare u gjet i pajetë jashtë një kishe në kodrën e Profitis Ilias në Trikala, një ditë më parë. Ngjarja e rëndë tronditi opinionin publik.
Ekspertë të mjekësisë ligjore kanë shkuar në vendngjarje për të ekzaminuar trupin e pajetë, në të cilin janë vënë re shenja dhunë në trup e fytyrë, të cilat dukeshin sikur ishin shkaktuar nga një këpucë.
g.kosovari
