Inspektorati Kombëtar i Mbrojtjes së Territorit përgjatë kontrolleve të ushtruara në bashkitë e vendit, ka konstatuar shkelje nga kryeinspektorët apo inspektorët e Inspektorateve të Mbrojtjes së Territorit.
Shkeljet e vërejtura më së shumti lidhen me mosrespektimin e afateve, mosvazhdimin e procedurave ligjore për marrjen e vendimeve si dhe mos ushtrimin e funksionit të kontrollit të territorit.
Shkeljet janë vërejtur në bashkitë e Korçës, Pogradecit, Beratit, Lushnjës, Librazhdit dhe Rrogozhinës.
IKMT ka vendosur dënimin me gjobë të këtyre shkeljeve, e cila në total kap vlerën e 4.860.000 lekëve. Aktualisht IKMT është duke vazhduar kontrollin në bashkinë e Sarandës./b.d
