Përtej konfliktit të tyre bashkëshortor për çështje parash, ndërmjetësja e “Shihemi në Gjyq”, Eni Çobani, i kërkon Ikbales t’i japë një mundësi tjetër Pashos. Ky i fundit, premton publikisht në këtë rubrikë të emisionit “E diela shqiptare” në Tv Klan që nuk do t’iu japë më para palëve të treta për të zgjidhur çështjen e tokës.
Gjithsesi, Ikbalja ngulmon në të sajën se e vetmja gjë që kërkon janë paratë dhe jo premtimet. A ka mbaruar dashuria 46-vjeçare mes tyre për shkak të parasë apo do të kishte një mundësi rikthimi?
Eni Çobani: Jeni 46 vjet çift. Keni 6 fëmijë, prindërit e 6 fëmijëve nuk mund të vijnë me këtë gjuhë. Zoti Pasho, çfarë i kërkoni gruas suaj që thotë unë sot do iki në Itali? Ka prerë biletën dhe unë ia pashë në fakt dhe pret që të largohet. Ju çfarë i kërkoni?
Pasho: Unë kërkoj të bashkohem, të jetojmë bashkë.
Ikbale: Nuk bashkohem, gjej lekët. I thonë 10 milionë Lekë. Nuk bashkohem.
Pasho: Të bashkohemi bashkë.
Eni Çobani: I kërkon thjesht kaq? Nuk premton ndonjë gjë tjetër se ajo thotë që nuk na japin fëmijët lekë se na i merr Pasho dhe i harxhon? Pra do harxhosh më kaq para sa ke harxhuar deri më tani se është histori pafund, nëse ti merr para nga fëmijët dhe i jep njerëzve lart e poshtë se të gënjejnë ty, dhe zonja nuk ka faj.
Pasho: Jo, nuk jap më.
Ikbale: Jo, jo të gjejë lekët që harxhoi. Nuk e dua. I thonë 10 milionë. Si punojnë ata fëmijë andej, më shumë natën se ditën.
Eni Çobani: Përballë ke burrin e 46 vjetëve.
Ikbale: Le të jetë edhe 100.
Eni Çobani: Dhe të rrijë aty?
Ikbale: Aty le të rrijë.
Eni Çobani: Po ku të shkojë 70 vjeç?
Ikbale: Ku të dojë le të shkojë. Të shkojë te mashtruesit, të rrijë bashkë me ata.
Pasho: Po kemi 46 vjet moj, të rrisim ata fëmijë së bashku.
Ikbale: Ec te mashtruesit, të të mbajnë ata se nuk më dëgjove një fjalë.
Eni Çobani: Nuk e beson më fare? Ai po të premton që nuk harxhon më.
Ikbale: Nuk i besoj fare, nuk i besoj më atij.
Eni Çobani: Do vetëm lekët, asgjë tjetër?
Ikbale: Lekët e fëmijëve, lekun tim.
Eni Çobani: Po nëse leku do të kthehej, me Pashon do bashkoheshe?
Ardit Gjebrea: Of mo.
Ikbale: Për bejë, ashtu do bashkohesha unë.
