Igumeni i manastirit të Deçanit, Sava Janjiq, ia ka përcjellë ministres italiane të Mbrojtjes Elisabetta Trentas shqetësimin e Kishës për planet për ndarje etnike e territoriale, transmeton Koha.net.
Siç njofton radiokim, ai ka thënë se ndarja mund të reflektohet në mënyrë katastrofike te populli e faltoret sidomos në jug të Ibrit.“Korrigjimi i kufijve në fakt është eufemizëm për vazhdimin e politikës së spastrimit etnik që ka qenë qëllimi kryesor i luftërave gjatë shpërbërjes së ish – Jugosllavisë në vitet 90.
Ky proces në Kosovë pas luftës ka vazhduar përkundër pranisë ndërkombëtare me dëbimin e 200 mijë serbëve dhe me shkatërrimin e trashëgimisë kulturore e fetare serbe”, ka thënë Janjiq. (Edhe Janjiq sikur politikanët e Serbisë e rrit qëllimisht dhe pa asnjë numrin e serbëve gjoja të shpërngulur nga Kosova, vërejtje e Koha.net) .
Në Manastirin e Deçanit, bashkë me ministren italiane të Mbrojtjes kanë qëndruar edhe ambasadori i Italisë në Kosovë Piero Sardi dhe komandanti i KFOR-it Salavatore Cuocci me bashkëpunëtorë. (b.an)
