Ditët e fundit, pas kritikave për veprimet e Lulzim Bashës, deputetët demokratë Jozefina Topalli, Majlinda Bregu, Eduard Selami etj, janë sulmuar egërsisht nga deputetë të tjerë të PD-së dhe militantë të kësaj force.
Kjo ka bërë që në mbledhjen e djeshme të grupit parlamentar, deputeti Igli Cara t’i kërkojë Bashës të ndalë linçimet publike ndaj zërave kritikë në PD.
“Në të gjitha rastet do t’i qëndroj vendimit të grupit parlamentar të PD-së dhe të zotit Basha, edhe nëse do jetë për mospjesëmarrje në zgjedhje, ndonëse në 27 vjet anëtar i PD nuk e kisha menduar që mund të shkonim në një vendim të tillë politik…
Vendimi ynë përfundimtar për zgjedhjet duhet të merret vetëm pasi te kemi shteruar çdo negociatë.
Linçimi publik i drejtuesve si Jozefina Topalli nga njerëz që nuk përfaqësojnë asgjë në PD, është një gjë që duhet ndalur urgjentisht”, mësohet se është shprehur Cara në mbledhjen e grupit parlamentar të PD-së raporton Tema./a.m.
